المصرى هو

موضوع: المصرى هو الإثنين يونيو 02, 2008 12:11 am

بيفهم في الطب ويشخص
المرض ويوصفلك الدوا وبيفهم في النقاشة والكهربا
وتصليح العربيات والطبيخ والسياسة والكورة وهو أبيض ياورد
بيحط الريموت كونترول في كيس بلاستيك كعادة فرعونية
يقف يتكلم على الباب نص ساعة بعد إنتهاء الزيارة والسلام
لمّا تفتح نملية المطبخ هتلاقي عنده عشرين برطمان بتاع مربى فاضي
بقالهم سنين ومازال مُصِر على جمع المزيد ييجي بعد معاده بساعتين ويفتكر إن ده عادي
لسه عنده إصرار إنه يتكلم بصوت عالي في التليفون لما تكون المكالمة
دولية عشان التاني يسمعه
بيعتبر نفسه أفضل واحد في الشرا والفصال وبعد كده يكتشف إن الحاجة في
المحل اللي جنبه أرخص من غير فصال
بيحتفظ بأكياس محلات اللبس والأحذية وورق الهدايا تحت مرتبة السرير
لسنوات ومابيستخدمهاش
عنده صينية مكسرات متقسمة لتلات او أربع أقسام لزوم المزاج وعمره
ماإستخدمها ممكن يعدي التلاتين ولسه عايش مع أمه وأبوه وماعندهومش مشكلة
بيشتري قبل الفطار في رمضان مواد إستهلاكية أصلا موجود عنده في البيت
لسه ماستخدمهاش
بيكون عنده شواية لزوم الرحلات أقصى استخدام لها كان مرة واحدة في
العيد
]بيشيل طابع البريد من على الظرف لو الختم ماكانش عليه
بيفتكر إن أي حد بيشتغل في الخليج بيغرف فلوس من غير حساب

بيكون مشغول بقيمة التيبس أو البقشيش طول العشا ياترى ربع جنيه ولا نص
جنيه
برده بيتخانق ساعة دفع الحساب بحرارة شديدة على إنه هو اللي لازم يدفع

بيفرش ملاية سرير على طقم الأنتريه عشان يفضل نضيف لما ييجي ضيوف
ومابيشيلهاش لما ييجوا

والأهم إنه اللي بيحب يسخر من نفسه ومن بلده وحكامه بس مايطيقش حد
تاني يسخر منهم ، وساعتها بيفرش له الملاية
عرفتم احنا ليه اصبحنا متاخرين عن باقى الدول رغم اننا كنا اولهم ياريت نراجع مع بعض هذه العادات وندعوا كلنا من خلال المنتدى دعوه للاقلاع عن هذه العادات السيئة

موضوع: رد: المصرى هو الإثنين يونيو 02, 2008 1:30 am

ramy20029 كتب:: والأهم إنه اللي بيحب يسخر من نفسه ومن بلده وحكامه بس مايطيقش حد
تاني يسخر منهم ، وساعتها بيفرش له الملاية
عرفتم احنا ليه اصبحنا متاخرين عن باقى الدول رغم اننا كنا اولهم ياريت نراجع مع بعض هذه العادات وندعوا كلنا من خلال المنتدى دعوه للاقلاع عن هذه العادات السيئة

السلام عليكم
اخي الفاضل رامي شكرا علي طرحك لهذه العادات للمصريين بس لي توضيح بسيط وهو انها ليست فقط في المصريين و يمكن اكتسبها المصريين من الشعوب الاخري مثل اليونانيين و الايطاليين لان بهم هذه العادات مثل ماذكرت كعظم هذه العادات ليست مصريه فقط و لكن اقدر اقول انها عالميه نوعا ما
اما بسبب تاخرنا هو من وجه نظري الشخصيه ان كل واحد يحب يظهر ان هو وحده اللي بيفهم و بس مثلا اذا تعين في وظيفه ما لازم يظهر عيوب من سبقه و يخفي حسناته ولا مانع من هدم ما بناه الموظف السابق و كذلك الطبيب و المعلم و في كل المجلات لذلك لا نكبر لاننا دائما نحب الرجوع الي نقطه البدايه بدل من ان نكمل ما بدائه الغير
اسفه علي الاطاله و لكن الموضوع مهم و يستحق الحوار
تقبل مروري

» بتحب الشيخ/ محمود المصرى اتفضل حمل